تنويه: كل الاسماء الواردة تحت القصص هي أسماء وهمية بغرض حماية الحياة الشخصية لأصحاب القصص الحقيقية

اذا حابب تنشر قصتك من فضلك راسلنا من هــنــا winkونضمن لكم سرية الخصوصية الشخصية

ads

Home » » عايشة في ظلام ...

عايشة في ظلام ...



خلاص مش قادرة استحمل اكتر من كده طول عمري بستغرب الناس اللي بتنتحر كنت بقول انا مهما حصلي مستحيل افكر اعمل كده بس دلوقتي بقيت افكر جديا في الانتحار انا متهورة وخايفه في اي لحظة غضب اعمل حاجة في نفسي وابقي خسرت دنيا واخره.. لاحظت ان اكتر الناس عندها مشكلة او اتنين لكن انا في حاجات كتير مضيقاني ومأثرة عليا.. 1-علاقتي بربنا بايظة بس الايام دي بقيت اقرب منه واقرأ قرآن عشان خايفة الموت يزورني في اي وقت 2-بقيت افكر في يوم القيامة كتير واسح دموع من الخوف 3-دايما اتخيل امي بعد الشر يحصلها حاجة وحرفيا بنهار من العياط 4-عندي اكتئاب بشهادة ناس كتير ..ممكن اتكلم مع حد لاول مرة يقولي باين عليكي نفسيتك تعبانة وطبعا بزعل مش بعرف ارد..مرة بنت اول مرة اقابلها في الكلية بتقولي مالك عينك باين فيها الحزن ليه ومرة كنت في مكتبة الجامعة مع زميلتي الراجل قالها مالها كئيبة مبتتكلمش ليه بسخرية وضحك وده طبعا سبب كافي يخليني معتبهاش تاني ومن كام يوم كنت في محل بجيب حاجة قالي زعلانة ليه ماردتش كل ما اتعرف علي حد جديد ينفر مني ويقولي انتي كئيبة مبقتش احب اقعد مع حد ولا اكلم حد بسبب كده 5-ابويا وامي انفصلوا وانا في ثانوية عامة وحصل مشاكل كتير وطبعا مجبتش مجموع كويس والنتيجة في كلية مش حباها بنجح فيها اه بس مش حباها 6-البيت مبيخلص من الخناقات وممكن ع اتفه الاسباب لما اعصابي تعبت امي بتحبنا بس كبريائها مانعها من انها تبين ده 7-متخانقين مع كل اهلنا ومليش حد اروحله 8- نفسي يبقي ليا اصحاب صاحبة واحدة حتي بس تشاركني حياتي دي بروح الجامعة بفضل قاعدة لوحدي بعدين اعيط وتصعب عليا نفسي وارجع 9-ويمكن دي اكبر مشاكلي حب من طرف واحد وهو قريبي ودايما بشوفه لانه ساكن جمبنا دايما بتخيل نفسي معاه يبقي مزاجي عالي فجأة اتخيل انه ممكن ميبقاش ليا مزاجي يتقلب في لحظة ويسموني الكئيبة 10-حاولت اشوف شغل كتير عشان اشغل نفسي بس مش لاقيه حاجة مناسبه انا دلوقتي بقالي اكتر من 24 ساعة مكلتش ومليش نفس موبايلي ممكن بالشهرين واكتر مكلمش حد خالص لاني ببساطة مليش اضحاب خالص ولا حد يسأل عليا بقيت بنام ب18 ساعة ويمكن اكتر وممكن ايام مانمش خالص..مبتحركش من علي سريري الفراغ قاتلني حرفيا اللي هيقولي اشتركي في جمعية خيرية او او مبعرفش اعمل حاجة لوحدي محتاجة حد ع الاقل ياخد بايدي لاول خطوة لاني عندي حتة رهاب اجتماعي اعمل ايييه اتخنقت

حلا 

0 comments:

إرسال تعليق

حمل التطبيق

حمل تطبيق احكيلي

Facebook

 
Created By SoraTemplates | Distributed By Blogger Template