تنويه: كل الاسماء الواردة تحت القصص هي أسماء وهمية بغرض حماية الحياة الشخصية لأصحاب القصص الحقيقية

اذا حابب تنشر قصتك من فضلك راسلنا من هــنــا winkونضمن لكم سرية الخصوصية الشخصية

ads

Home » » نفسيتي تعبانة أوي

نفسيتي تعبانة أوي




انا متزوجه زواج صالونات بقالي سنتين ومفيش اطفال وكنت عايشه مع جوزي في بيت عيله مع حماتي وسلايفي وليا شقه المشاكل بدات بينا انا وهو بسبب كلام امه ليه عني بدأ بتغير معايا ويقسي عليا وبدا يضربني عشان اقل الاسباب ويسب ويشتم ف اهلي ويعايرني اني عبيطه ومليش حد وهو عشان اول ارتباط ف حياتي حبيته واتعلقت بيه ف كنت بستحمله وبزعل شويه وكنت برجع تاني المهم جه فتره انا اتمليت فيها اوي وكل حاجه حاسه انها جايه علي اعصابي من مشاكل ف بيت اهلي بسبب اني كل يوم والثاني غصبانه وتهزيق علي لسان الناس ليهم وامي كانت صحتها علي قدها ونفسيته تعبت اكتر واتاأثرت بسببي وزعلت عليا ومن ناحيه حماتي اللي بتيجي عليا ومش عارفه ارضيها ازاي والله ربنا يعلم اني حاولت بكل الطرق بس مبقتش قادرة جوزي كمان مبقاش يبص ف وشي وكان بيديني مصروف للبيت وقفه انا كنت بصبر نفسي كل شويه من حبي فيه مش قادره أفكر ابعد عنه برغم معاملته ليا بس اكتشفت خيانته ليا وكلامه مع واحده وده كسر حاجه جوايا من ناحيته ولما عرفت كمان مواجهتوش بالعكس اتغيرت وحاولت ابقي احسن معاه واتلون له يمكن ده بسبب تقصيري بس محستش بتغيير وكنت بشوف الرسايل والمكالمات بتجيله وعارفه انه مبيبطلش يكلمها ديما كان يعايرني بشكلي وعاوزني اخس وكنت بحاول بس مكنتش بقدر بسبب الادويه اللي كنت باخدها عشان محاوله الحمل كانت بتزيد من وزني كرهت نفسي وكرهت جسمي وثقتي ف نفسي راحت اهلي بدأ و يلحوا عليا ابعد واسيب البيت من بعد خناقه حصلت مع ولاد عمي وهو ضرب واحد منهم وقطعله هدومه بسبب انه كان من قبلها بشهرين ف خناقه ما بينا ابن عمي ده شتمه باابوه ف هو فضل مستحلفله المهم انا لما فقدت طاقه تحملي وعلي اخر خناقه كانت هايفه هو طردني وشتمني زي ما بيعمل رحت سايبه البيت وماشيه وبعديها دخلت ف المحاكم والقواضي وفضلنا سنه بالضبط انا ارفع وهو يبطل وكلام من هنا ومن هنا علي لسان الناس الموضوع شعلل نار زياده وبقيت اسمع انهم رفضين رفض تام الرجوع والصلح مع اني كنت لسه بحبه بالرغم من القواضي بس فهموني انك ل كده هتغلي نفسك وهو هيعرف قيمتك ويجيلك والكلام ده انا بقول كل اللي حصل معايا ده عشان اللي بيقرا يبقي عارف قصتي من اولها وشويه تفاصيل قبل ما يحكم بس كل ده والله انا استحملته وبقيت اكبت ف نفسي لما بقيت عصبيه جدا دلوقتي ونفسيتي تعبت وفكره اموت نفسي كتير بعد فتره الناس دخلت ف موضوع وعملت قاعده رجاله عشان يحلو الموضوع ودي. وكل واحد يروح لحاله حكمو بقايمتي ورحت اخدت حاجتي واخدتها اللي عاوزه اقوله ان انا بعد كل ده مش مرتاحه ومش عارفه انا اتصرفت التصرف الصح ولا لا وبفكر كتير اكلمه اسمع منه تاني مع اني كنت بتكلم معاه كتير ف بدايه المشاكل ومكانش بيجيب نتيجه بس المره ده حاسه اني هندم لو مسمعتش منه مع العلم ان طول فتره وانا ف بيت اهلي مكلمنيش ولا مره ولا حاول يرجع وعاوزه اعرف حتي لو هو بيفكر يرجع زي ما بفكر ينفع بعد كل ده وخروج العفش ولو بيفكر ليه مكلمنيش يصالحني او يسالني عاوزة ايه ولا انا ف الحقيقه مش فارقه معاه ومش باجي علي باله انا تعبت اوي من التفكير وقلبي واجعني اوي وندمانه حاسه اني المفروض اكون معاه ولا مش صح رجوعي ليه وده قرار سليم ولا بجني علي نفسي وهو مبيحبنيش انا عارفه ان كلامي معاه تاني هيقل مني بس اعرف هو بيفكر ف ايه عشان متواجهناش من يوم ما سبت البيت وكل اللي بسمعه كلام منقول علي لسان الناس انا عاوزة ارتاح واقطع التفكير ده بقي وعشان مرجعش اندم واقول ياريتني كنت حاولت

عائشة

0 comments:

إرسال تعليق

حمل التطبيق

حمل تطبيق احكيلي

Facebook

 
Created By SoraTemplates | Distributed By Blogger Template