تنويه: كل الاسماء الواردة تحت القصص هي أسماء وهمية بغرض حماية الحياة الشخصية لأصحاب القصص الحقيقية

اذا حابب تنشر قصتك من فضلك راسلنا من هــنــا winkونضمن لكم سرية الخصوصية الشخصية

ads

Home » » فقدان الثقة نكدلي عيشتي

فقدان الثقة نكدلي عيشتي




عايزه احكيلكم عن مشكلتي وهي باختصار عدم الثقه في النفس 
انا كنت الاولي علي مدرستي مم اولي ابتدائي ل 3 اعدادي وف الثانوي من المتفوقين ودخلت كلية الهندسه وحصلتلي مشاكل ماديه ونفسيه رهيبه وقدرت اعديها الحمد لله بس طول الوقت وانا كنت خايفه انا كنت مغتربه ومكنتش بنزل كتير لبلدي عشان انجح بس صافي ف الكليه وبدات ثقتي في نفسي تقل ولما اتخرجت من غير مااعيد ولا مره السنه مكنش عندي الثقه اني اقدر اقدم علي شغل لدرجة ان دماغي مبقاش فيها حاجه من اللي درسته وقلت اشتغل مدرسه كنت مرعوبه وانا بقدم ف مدرسة ابتدائي وعديت الامتحان واشتغلت كنت بخاف حد يعلق ع شغلي مع ان كل سنه الاوائل من فصلي بس كنت بخاف ومعنديش ثقه ف نفسي وحتي كنت بخاف ادي للاعدادي مع ان فيه ناس اقل مني بكتير علميا وبيدرسو للاعدادي والثانوي كل ده وانا ف بلد تانيه لوحدي بعيد عن اهلي وسبت المدرسه لظروف صحيه وقلت اشتغل من البيت عملت حاجاات هدايا وكده وقلت احطها في محلات الهدايا معنديش ثقه اصلا ان حد هياخدها ومعنديش ثقه في شغلي خالص ولا ف نفسي وعلطول بقلل من نفسي ومبعرفش اتكلم مع حد ولا اكسب علاقات حتي تساعدني 😢علي الرغم اني بكمل اداب انجليزي وبطلع الاولي كل ترم وناس كتير بتحسدني بس انا ماديا لحد دلوقتي معنديش دخل مادي وحالتي النفسيه زفت لان انا حسه اني صفر ع الشمال مليش لازمه في الدنيا وكمان الوحده اللي انا حسه بيها بسبب غربتي عن اهلي وقعدتي مع جوزي ف شقة ايجار جنب شغله ومش بشوف حد طول النهار ولا اعرف حد غير اخر التيرم بروح امتحن بشوف ناس معايا ف الكليه وحتي دول مش عارفه اصاحبهم لاني فاقدة الثقه في نفسي معلش طولت عليكم انا اسفه جدا


ميريام



0 comments:

إرسال تعليق

حمل التطبيق

حمل تطبيق احكيلي

Facebook

 
Created By SoraTemplates | Distributed By Blogger Template