تنويه: كل الاسماء الواردة تحت القصص هي أسماء وهمية بغرض حماية الحياة الشخصية لأصحاب القصص الحقيقية

اذا حابب تنشر قصتك من فضلك راسلنا من هــنــا winkونضمن لكم سرية الخصوصية الشخصية

ads

Home » » ابني بضيع مني ... ساعدوني

ابني بضيع مني ... ساعدوني



انا اسفه انى هطول عليكو بس انا عندى مشكله وعايزه ارائكو بكل موضوعيه عشان بجد انا تعبانه انا عندى 28سنه ومتجوزه بقالى تسع سنين وكنت متجوزاه باقناع من اهلى جامد بس انا مكنتش عايزاه لانه انسان شكاك جدا وانا كنت عارفه كده بس اهلى ضغطو عليا جامد بحجه انى مليش حد غير امى وهى مسنه المهم انا اتجوزته ورابع يوم جوازى ضربنى على حاجه تافهه جدا وكان كل ميحصل مشكله صغيره بيننا انا كنت رافضه انى ادخل اهلى فى اى مشكله بس هو كان لما يلاقينى متمسكه بانى مقولش او منزلش من البيت يهددنى انه يقولهم ويتصل بيهم بالفعل ف اوقات متاخره جدا ويصمم ينزلنى من البييت حتى لو الساعه 3الفجر لدرجه ان اتصل بامى وباختى مره يجو ياخدونى وهما لما بيجو بيقولوله هى عملت اي يستدعى كده لدرجه تطردها يقولهم هو مزاجى كده وكان يتحكم برضو انى انزل فبنزل المهم جبت منه طفلين وانا حامل ف الاول ظهرت مشاكل الشك كلها ف حياتى ويقول كلام غير مقبول ويشك فيا بطريقه غير طبيعيه ولو ف اقل حاجه وبعدها يرجع يتاسف ويقول تانى واستحملته عشان خاطر عيالى ومكنتش عايزه اجيب الطفل التانى وبضغط منه حملت وجبت تانى طفل وحياتى تحولت كلها لشك ف اشخاص جيرانى مليش تعاملات معاهم اصلا ووصلت الموضوع لاهلى قالهم معلش مش هتتكرر تان لدرجه اكلم اى حد يحرجنى ويفتح الاسبيكر ويشوف بكلم مين وبقول اي ومره كنت بكلم صاحبتى وعرف انى بكلمها فلقيته ثار وحصلت مشاده بينا وقالى هو انا بقولك نايمه مع حد بس انتى بتكلمي حد وكل حياتى بقت كده واخر مره نزلت فيها من بعد مكتفنى اكتر من مره لياخد حقه الشرعى منى وده بقا طلبه دايما اثناء المشكله واهلى ع علم بكده ويرجع يعتذر كالعاده واخدت قرار الانفصال وحاليا دلوقتى بقالى تسع شهور عند اهلى وعرف الناس كلها اسرار بيتى بل اسرار سريرى لرجاله واصخابه ومرضيش يبعت اى مضاريف لولاده فرفعت قضيه نفقه وهو اخد ابنى الكبير منى وبدا يكرهه فيا جدا ويقوله ماما هتحبسنا كلنا واجهته بالكلام ده قدام ابنه قالى هكرهه فيكى كمان و ده لس انا هفضحك ف كل مكان وع الفيس واقول انك سلمتيلى نفسك قبل الخطوبه وانا مكنتش اعرفه اثلا قبل الخطوبه ولحد فرحى مكنتش عايزاه وهو متاكد من كده والكل عارف كده والمشكله انه قالى كده بعد مقولتله انى خلاص هرجع عن قرار الانفصال وهرجع بيتى وحاليا واخد ابني وكرهه فيا ومخوفه منى وانا معايا ابنى الصغير دى اقل حاجه ممكن اقولها عنى بس انا ف حيره دلوقتى بين انى ارجع واتحمل الاهانه والعيشه عشان ابنى التانى وانا مش متقبلاه اصلا ونزل من نظرى حدا وبين انى ابنى حياه تانيه ف انتظار ابنى بعيدا عن جوزى انا اسفه انى طولت عليكو بس انا تعبانه جدا عشان ابنى وبعده عنى ونفسيتى ف الصفر بس اللى نقويينى شويه ان كل اللى يشوف ابنى يلاقيه عايش حياته الطبيعيه جدا مش ناقصه انا رغم حاولت كتير انى اجيبه واكلمه بس ابنى رفض يشوفنى اصلا وبيتكلم كلام باباه ومش سنه اصلا اعمل ايييييه!!؟؟؟؟؟؟

سناء

0 comments:

إرسال تعليق

حمل التطبيق

حمل تطبيق احكيلي

Facebook

 
Created By SoraTemplates | Distributed By Blogger Template