تنويه: كل الاسماء الواردة تحت القصص هي أسماء وهمية بغرض حماية الحياة الشخصية لأصحاب القصص الحقيقية

اذا حابب تنشر قصتك من فضلك راسلنا من هــنــا winkونضمن لكم سرية الخصوصية الشخصية

ads

Home » » اسرتي ضدي ...

اسرتي ضدي ...



معلش البوست طويل ...اولا انا و اسرتي من اصول ريفيه و بنروح كل فتره هناك و الدي مرتبط بالمكان هناك عشان اهله ..انا مبحبش القعده هناك ابدا ..لان انا تفكيري مختلف عن الناس في الارياف ..( تفكيرهم ان دايما الولد احسن من البنت .الخ) ..انا في كليه من كليات القمه ..المهم حصل في اجازه نص السنه اللي فاتت ان اخويا مد ايده مرتين عليا ( اخويااصغر مني بسنتين ) هو كمان داخل جامعه السنه دي يعني مش صغير فاخدت منه موقف عشان يفهم انه اللي عمله غلط و مبقيتش بكلمه ..وانا مسافره عشان جامعتي ..مجاش صالحني و لا اعتذرلي ..و مشيت و رجعت في الاجازه دي ..كابر و محاولش يعتذر بالعكس فضل يشتم و يتكلم معايا بطريقه مش كويسه يشتم و لا هامه ..المهم ..في شئ يخصني كنت سيبته في البيت و رجعت لقيته بيستخدمه ..و الحاجه دي تخصني انا ..فاخدتها تاني عشان محتاجاها ...من غير ما اقوله لانها ملكي هو اصلا مخدهاش مني بأذن ... المهم ..راح جايلي بكل بجاحه و بيشتم و يطالبني بحاجتي ...بكل بجاحه فانا ردي كان دي حاجتي و انا اخدتها مش ملكك عشان تيجي اطالبني بيها ..فضل يتخانق و رايح يمد ايده عليا ..ماما سمعت الحوار و جت و بدل ما تمنعه من الشئ الغلط ده لا مسكتلي انا الشبشب ..يعني بتساعده انه يضربني ..بدل ما توجهه للصح و تقوله متمدش ايدك ع اختك او اللي بتعمله غلط ...(و انا اصلا مشتمتش كل االلي قلتهوله اتكلم بأدب و متمدش ايدك ..و مأسأتش ليه و لا لأي حد ) ..فقلت لماما باستنكار انتي جايه تعاونيه بدل ما تقوليله ان اللي بيعمله غلط !!... قالتلي انتي اللي غلطانه قلتلها ... هو انا اللي بتكلم معاه كده ... ( ببينلها ان هو بيمد ايده يعني ..بحركات ايدي ) ... و قلتلها بتوقفي معاه و هو غلطان ده بدل ما توجهيه للصح و قدام العيال الصغيره و اخواتي ..!!!! ...انتي اللي بتجرأيهم عليا ( و دي حقيقه فعلا امي بتجرأ اخواتي عليا جدا مع اني اكبر وحده ..لو انا عملت حاجه صغيره غلط او حتى دافعت عن حقي بتيجي تعمل مشكله معايا و تطالبني بالحاجه دي ايا كانت حتى لو تخصني او تخص اختى مثلا اخدت الحاجه دي من اختي عشان اخدت حاجه تاني مني و هكذا .لو اختي راحت اشتكت مني تقوم الدنيا عليا ..لكن لو انا رحت شكيتلها من اختي دي بتطنش ...و لا بتحاول تردلي حقي و انها تخلي اختي تحترمني و لا حتى تردلي حاجتي ..للعلم اختى دي طماعه جدا ...هي اصغر مني بس دايما بتطمع في هدومي و حاجتي كلها بتاخدها من ورايا و بتخبيها ..و هكذا )..( الحوار..بتاعي انا و اخويا ده كان قدام خواتي البنات الاصغر مني كلهم و حفيدتين عمي الصغيرين في اعمار خواتي بردو ..كلهم يعني ..ابتدائي و اعدادي...و تيته كانت موجوده كمان ) ..من الاخر هي ماما كده على طول بتوقف معاهم ضدي ..حتى لو هما غلطانين في حقي ...و دي مش اول مره ..و موضوع انها جايه بتساعد اخويا و هو بيمد ايده عليا قدام خواتي و العيال الصغيره ده حز في نفسي جداااا ...لان ده مش شئ هين..خصوصا و اني انا اكبر خواتي و اني كبرت مش صغيره و انها عملت ده قدام الكل ..بدل ما توجهه للصح ...و تحل الموضوع ...و انا بنتها المفروض تكون احن عليا من اي حد اضايقت منها جداااا ...و زعلت منها ..و اخدت جنب ..هي مهمهاش زعلي و لا حتى جات طيبت بخاطري ..و سابتني عادي ..و بالعكس فضلت تعاملني معامله و حشه فأي فرصه تتحاح ليها و تقف ضدي ...والدي يا جماعه دايما سواء معايا او مع غيري من اخواتي ...لو حصل مع حد مشكله في المدرسه مع زمايله .. او اي حاجه ...كان اول كلمه يقولها اكيد انت/انتي اللي غلط ...الخ من غير ما يعرف التفاصيل اصلا و لا حاجه ..ماما كانت توقف مع اخويا لو في حاجه زي كده ..لو فيه مشكله مع حد من زمايله او غيره و ...و بابا يا جماعه قدام سواق مكروباص ..او موظف في مكان معبن او قدام حد من العيله او غيره بيتكلم معايا بطريقه مش كويسه ...بس مؤخرا بقيت لما يشتمني بقله ليه بتشتمني او ليه بتتكلم معايا كده ..الخ و مبيجبش معاه اي نتيجه و بردو بيستمر ع اللي بيعمله ..فقررت اتجنبه ..لو موجهليش كلام اما لو وجهلي كلام ببين انزعاجي من الشتيمه او الطريقه لكن مبعاتبهوش و لا حاجه ..( و ملاحظه دايما يقدر و يحترم اولاد او بنات اي حد من معارفه اللي في سننا او غير سننا ..على حسابنا ..يعني يذم فينا ذم تحطيمي اننا مش كويسين و لا في كمال البناتو الولاد دول) ..و انا خلاص هرجع السكن قريب عشان الجامعه هتبدا ( و معنديش غير انهرده في القعده معاهم يعني ) ..امبارح نادا عليا و اتجمعنا انا و بابا و ماما و اخويا .. بدأ كلامه كالعاده بنفس الطريقه و الاسلوب انه بيحطمك بيطلعك انت اللي و حش ورغم ان واضح انهم غلطانين في حقي ...رايح قالي ..احنا خلاص بقينا عارفينك...و اني انا اللي و حشه ..يعني ...و مش بكلمهم هما بالاضافه لاختي اللي حكيتلكم عليها دي ..اما تيته و خواتي التانيين فهما بيتكلمو معايا و كده قال عشان هما متعاملوش معايا ...و انك انتي كذا و كذا و سيبته يتكلم..(و كان عامل خناقه قبل كده عشان قلت اني عايزه اغير السكن ..اللي انا فيه .و قبل ما يسمع حاجه قالي انتي اللي غلطانه و انتي كذا كذا من غير ما بعرف الموضوع اصلا و اا حاجه ..هو مش عايز يتعب دماغه في موضوع اني هنقل سكني مش اكتر بس فبيحاول يطلعني انا اللي غلطانه عشان اسكت و ما اغيرش السكن و هو ميشيلش هم ده و كده ..و ده حصل في بداية الاجازه لما كلمتهم اني عايزه اغيره لان البنت اللي معانا اهم حاجه مصلحتها و امتحانتها غير كده انا و البنت التانيه نولع ..جتى لو قلنالها ان عندنا امتحان ..او كده بتقعد تعمل مشاكل عشام احنا مش جايين ع هواها مثلا عشان عندنا مذاكرتتا او غيره و تجيب مامتها لينا و هكذا ..البنت اللي زيي بردو زهقت و قررت تنقل و تمشي و و خلاص نقلت ) ..المهم بعد كده قعدنا نتناقش في الموضوع و وضحت اني مغلطتش في حد و سبب اني زعلانه او مش بتكلم مع اي حد منهم و احد و احد ..مش عشان انا اللي وحشه و لا مجنونه اكيد في اسباب و قلتله لو انا اللي غلطانه في حق اي حد فيهم اقوم انا اللي اصالحه حالا و ابوس راسه ...و ماما بقت بتدافع عن اخويا باستماته و عن اختي و عن نفسها وو صلت بيها الدرجه انها بتتبلا عليا ..عشان بس تثبت انها هي اللي صح و تطلعني انا اللي غلطانه ... و لما قلتلها ان اللي عملته ده كان شئ كبير و انها و قفت معاه و هو غلطان و بيمد ايده ..ده ميزعلنيش مليش حق ازعل !!! ...فضلت تجيب مبررات ملهاش اصل زي انها عملت كده عشان تيته هتروح تتكلم قدام الناس عني و اني بقف قدام اخويا او او ..مش مبرر ..قلتلها كان ممكن تهديه و..ده هو اللي بادئ و هو اللي جاي يضربني و انا مغلطتش كل الي عملته اني فضلت اقوله اتكلم بادب و متمدش ايدك ...و كابرت و قالتلي اومال عايزاني انا اللي اجيلك او حاجه زي كده ...( يعني هي اللي بتساعد اني انا و اخويا نتفرق عن بعض بدل ما توجهه للصح ....و مبررها هو انها عملت كده عشان تيته متروحش تنقل كلام ...قلتلها انا مدخلتش قلبك و لا اعرف نيتك او ليه انتي عملتي كده ...و انتي بعدها حتى مجيتيش قلتيلي حاجه ... انا ليا في اللي حصل و اللي انتي عملتيه ...قالتلي انتي عايزاني انا اجيلك و اقولك ...( و كاني و حده شحاته من الشارع مش بنتها مينفعش تيجي توضحلي او تراضيني ) و مفرقتش معاها.. و في اول القعده خالص قالتلي مش عايزاكي و لا انتي بنتي و لا اعرفك و الكلام الكتير ده .... وهي على فكره بتأثر في تفكير بابا جدا سواء لصالحي او ضددي ر جاءً فيدوني اعمل ايه !؟؟؟ ..المشكله الاكبرو هي من ماما ..و هي غلطانه في حقي و بتطلعني انا اللي غلطانه... !؟؟

جيهان

0 comments:

إرسال تعليق

حمل التطبيق

حمل تطبيق احكيلي

Facebook

 
Created By SoraTemplates | Distributed By Blogger Template