تنويه: كل الاسماء الواردة تحت القصص هي أسماء وهمية بغرض حماية الحياة الشخصية لأصحاب القصص الحقيقية

اذا حابب تنشر قصتك من فضلك راسلنا من هــنــا winkونضمن لكم سرية الخصوصية الشخصية

ads

Home » » كل حاجة حلوة راحت

كل حاجة حلوة راحت




معلش انا هطول عليكم بس عشان انا عندي مشاكل مش مشكلة واحده.. ومحتاجه رائيكم جدا جداااا انا 32 سنة ومش متجوزة ✋ متخرجه من كليه والحمدلله بدرس كليه تانيه انا من حوالي 6 سنين كنت واحده غير اللي انا عليها انهارده شخصيتي انطفت بعد ماكنت مش ببطل هزار وضحك وفسح وعلي طول بضحك وبعمل جو فالبيت بقيت انهارده زيي زي الكرسي فالبيت لا صوت ولا ضحك ولا كلام زمان كنت شايفه ان انا حلوه وكنت مغروره بجمالي وجسمي وان كل الناس هتتجنن عليا وانا مش بعبر حد ورفضت ارتبط ضيعت عرسان من عائلات ومناصب وجمال شكلا موضوعا ✋ وده نصيب طبعا انا حاليا مبقتش اعرف افتح كلام (حرفيا)ولا بعرف اتكلم جمله علي بعضها وساعات الكلام بيخوني واتلغبط واتهته وده بقي بيحرجني ... كمان جمالي رااح شكلي عجز ومبقتش راضيه عن شكلي ودي اكتر حاجه مموتاني بحق.... مبقاش عندي ثقه فنفسي خالص لدرجه اني مش عاوزة اخرج من البيت ولو خرجت بحاول استخبي من عيون الناس مش عاوزة ارتبط عشان انا بقيت ممله وملامحي بقت باهته وروحي اللي كانت حلوه مش عارفه ارجعه ازاي.. مبقاش في خاجه بتفرحني وبفقد دايما الحماس لاي حاجه فساعات. وبقيت بمل بسرعه جدا حتي من صحابي مش عاوزة اعرف رجاله وبحاول ابقي انا واصحابي البنات وبس حد يفيدني انا روحت لدكاتره نفسين وشيوخ اللي يقولي حسد واللي يقولي عمل واناعاوزة حل عملي ومحدش فاهمني انا بموت اني ببص فالمرايا لا ده شكلي ولا دي روحي واقفه اقول مين دي لا بجد مين دي مش انا اقسم بالله ؟؟؟ انا بصلي وملتزمة والله بس انا بفكر اقلع الحجاب ومش قادره اكمل بيه حاسه اني هرتاح حتي لو واحد فالميه عن نفسي حد يقولي ارجع ازاي لنفسي حد يقولي حتي لو مركز او دكتور اتعلم من اول وجديد اتعرف علي ناس وازاي اتكلم ارجوكم

مريم

0 comments:

إرسال تعليق

حمل التطبيق

حمل تطبيق احكيلي

Facebook

 
Created By SoraTemplates | Distributed By Blogger Template