تنويه: كل الاسماء الواردة تحت القصص هي أسماء وهمية بغرض حماية الحياة الشخصية لأصحاب القصص الحقيقية

اذا حابب تنشر قصتك من فضلك راسلنا من هــنــا winkونضمن لكم سرية الخصوصية الشخصية

ads

Home » » حب امتلاك

حب امتلاك




أنا شاب عندي 27 سنه حياتي كانت بايظه خالص قبل ما اتجوز صياعه وشرب و بنات و كده وربنا هداني الحمد لله و تزوجت من واحده ربنا يخليهالي ويباركلي فيها كانت في كلية قمه وانا كمان زيها وعلي مستوي عالي من الثقافه والرقي.الا انها مش مريحاني خالص في موضوع معين الا وهو الغيره رغم اني حاليا بعد زواجي مش بشوف غيرها في حياتي بس وصل بيها انها تغير من بنتنا وامي واخواتي البنات اقرب حد لقلبي هي بنتي بشيلها دايما وكنت بحلم اني اخلف بنت من وانا صغير ومبقدرش ابعد عنها يوم ولو هتاخر في الشغل ممكن اخدها معايا بشنطتها وبالرضعه بتاعتها وبغيراتها .ومش بتستريح في نومها غير لما احضنها لحد ما تنام ولو لاحظت مرراتي متضايقه بعمل معاها كده بردو لحد ما تنام لحد ما في مره قالتلي انت بتعملها ده كله و ده هيكرها فيا ومش بتهتم بيا زيها وكلام من ده انا صعقت الصراحه مبقتش متطمن اسيبها معاها عشان متقسيهاش عليا مهما كان البنت عندها سنتين وممكن تسمع كلام اي حد ودي كمان امها .اما بقي اخواتي البنات بحب قعدتهم جدا وهزارنا مع بعض وبجيبلهم اي حاجه هما محتاجينها او حتي مش محتاجينها بس هتفرحهم هي ممكن تشوف كده تبقي هتنفجر وتبقي عاوزه تزعقلي قدامهم بس بتمسك نفسها مع اني بهزر معاها وبنخرج كلنا مع بعض وساعات باخدها لوحدها حتي من غير بنتي وافسحها واعملها اللي هي عاوزاه بتفضل تقولي انت لازم متشوفش غيرنا والاهتمام كله تديهولنا احنا في البيت هنا (مع اني والله ما مقصر في اي حاجه ممكن تيجي في دماغكم ..من حنيه وعطف ودلع حتي ولما بتكون تعبانه (كل شهر ) مش بخليها تعمل اي حاجه ومش بسيبها كمان بفضل جنبها ) . ونيجي بقي لموضوع امي انا وهي قريبين جدا من بعض وبحب قعدتها وهي اصلا قمه في الطيابه والحنيه بتمني تحتاج اي حاجه عشان اجيبهالها بس للاسف هي مش بتحتاج اي حاجه .لما مراتي بتشوفني عند والدتي (احنا في بيت عيله) نايم علي رجليها مثلا او واقف معاها في المطبخ وهي بتعمل اكل او باخدها بالعربيه نتمشي شويه بتبقي هتنفجر وتفضل تقولي عاوزاك وتكلمني في اي كلام كده ملوش لازمه بس عشان مقعدش مع امي او اخواتي او بنتي ..متوتر جدا منها وخايف ان الحب اللي بتديهولي ده يكون حب امتلاك مش حب فيا ...انا بطبيعتي كويس جدا جدا في التعامل مع الجنس الاخر وده اللي مش مريحها ومخليني كل يوم متضايق من اللي بتقوله وبتعمله .

أسعد

0 comments:

إرسال تعليق

حمل التطبيق

حمل تطبيق احكيلي

Facebook

 
Created By SoraTemplates | Distributed By Blogger Template