تنويه: كل الاسماء الواردة تحت القصص هي أسماء وهمية بغرض حماية الحياة الشخصية لأصحاب القصص الحقيقية

اذا حابب تنشر قصتك من فضلك راسلنا من هــنــا winkونضمن لكم سرية الخصوصية الشخصية

ads

Home » » تحرش قريبي دمر حياتي

تحرش قريبي دمر حياتي




انا اسفه لو مشكلتي هتكون طويله شويه بس انا نفسي اطلع كل حاجه جوايا.. حاجات كتير اوي عمري ما حكيتها لحد بتعذبني كل يوم اولا انا بنت عاديه اوي او يمكن اقل من العاديه اهلي ناس كويسين جدا عشت اجمل ايام عمري وانا صغيره في بيت جدتي وانا عمري 5 سنين واحد من قرايبي كان بيتحرش بيا وانا طبعا مكنتش فاهمه ده ايه لكن كنت بخاف منه جدا عدت سنين و فهمت ولما قولت لأقرب واحده ليا قالتلي اسكتي و متتكلميش الموضوع خلاص عدي و اتنسي وكبرتوا قعدت حوالي عشر سنين بقنع نفسي اني خلاص وناسيه وبتعامل عادي كنت بخاف من كل ما هو مذكر حتي ابويا واخويا تخيلوا بنت خايفه من أهلها ومن اللي عايشين معاها ف بيت واحد كنت بخاف أكبر قدامهم بخاف من لمسه اي حد ليا مكنتش شخص اجتماعي خالص وده يمكن لاني مش عندي ثقه ف نفسي انا وزني زايد شويه و بيزيد كمان بسبب اني بقيت بكره نفسي و بحس اني بعاقبها باني اكون اوحش طول عمري من وانا صغيره كنت بسمع تريقه الناس وحتي اهلي عليا مكنتش بحس ان ممكن الاقي حد يحبني حتي الشخص اللي كان بيتحرش بيا كان دايما يتريق و يقولي اغاني وحاجات عشان يغيظني ويزعلني قدامهم كلهم كانوا بيضحكوا وانا كمان كنت بعمل نفسي بضحك زيهم طول عمري رغم كل حاجه كنت مكتفيه جدا ب اهلي و صحاب مدرستي دخلت الجامعه لقيت الدنيا واسعه اوي خوفت وتعبت دورت علي اهلي لكن مكنوش موجودين كل واحد كان مشغول ف حياته و شغله بقيت ادور علي اي حد اي حد بس يطمني يقولي انا جنبك متخافيش بس ملقتش بقيت بعمل اكونتات fake وبكلم ناس كتير منهم الللي كان كلامنا صحاب بس ومنهم اللي عمل نفسه بيحبني ومنهم اللي كان بيعمل معايا سكس فون عشان بس يفضل معايا ودي كانت طريقه الاغلبيه كنت بمثل اني مبسوطه و بمثل اني مصدقاهم.. بعد فتره اقرب شخصين ليا مبقوش موجودين ف حياتي من غير اي أسباب من غير حتي ما يكلموني او يقولولي ليه لقيت نفسي لوحدي حرفيا اكتر من الاول خوفت وتعبت اكتر كرهت الناس كرهت الشارع و كرهت نفسي مبقتش بنزل الجامعه مبقتش بكلم حد بعدت عن كل واي حاجه حلوه ف حياتي بقي بيجيللي كوابيس كل يوم بقي بيجيلي panic attacks كتير اوي مبقتش قادره اقبل كلام او احب اي حد رحت لدكتور نفسي وبدأت اكون مرتاحه جدا لكن حصلت ظروف و مكملتش بسبب اني سافرت لكن كنت بحاول اساعد نفسي وامشي علي كلام الدكتور بس انا دلوقتي خايفه حاسه ان كل حاجه بتحصلي بترجع تاني انا لوحدي وخايففه وبكرهني نفسي اوجع نفسي اوي نفسي الدنيا تقف مش عاوزه احس ب اي حاجه نفسي اصرخ و اقول اني تعبت نفسي حد يسمعني و يفهمني معرفش ليه كتبت كل ده دلوقتي انا مش شخص وحش والله عشان احس ان محدش بيحبني بسبب شكلي حتي لو طفل صغير الناس اللي بتعرفني فعلا دايما بيقولولي اد ايه انا جميله و طيبه بس انا مش عارفه اقبل كلامهم ولا اصدقهم انا مستاهلش كل ده والله العظيم انا تعبت ...


نرجس






0 comments:

إرسال تعليق

حمل التطبيق

حمل تطبيق احكيلي

Facebook

 
Created By SoraTemplates | Distributed By Blogger Template