تنويه: كل الاسماء الواردة تحت القصص هي أسماء وهمية بغرض حماية الحياة الشخصية لأصحاب القصص الحقيقية

اذا حابب تنشر قصتك من فضلك راسلنا من هــنــا winkونضمن لكم سرية الخصوصية الشخصية

ads

Home » » صحبتي تفتكرني غير في المصايب

صحبتي تفتكرني غير في المصايب



ابن عمي ده أصلا هوائي جدا وكل شوية يحب واحدة جديدة
هو مش وحش ولا بيبقى قاصد يتسلى
هو فعلا كل مرة بيبقى ناوي جد بس فجأة بيتقفل من الموضوع
المهم هو كان معجب بيها وهي لقيته كلية قمة و مرتاح ماديا فارتبطو من ورايا ( ومش فاهمة ليه)
بعدها بفترة عرفت وهي جت حكتلي عملت نفسي مش عارفة وسمعتها وكده
قالتلي إنها مش بتحبه بس شايفاه شخص مناسب
و مامتها قالتلي إنها خايفة من الموضوع لأنهم قد بعض وهو قدامه شوية عقبال ما يخطب
قولتلها هو شقته موجودة وهم مش هيغلبو ف خطوبة
قالتلي يعني انتي إيه رأيك فيه بأمانة قولتلها هو كويس بس مامته شديدة شوية ودي فعلا حقيقة كل الناس عارفاها
راحت هي قالتله إني قولت كده وخليته زعل مني
المهم اتخطبو ومكنتش أعرف عنهم حاجة ولا كنت مهتمة بصراحة
بعدها بكام شهر كده لقيتها بتكلمني تشتكيلي منه ومن مامته وصعبت عليا جدا لأنه فعلا كان عمل تصرفات أنا مقبلهاش على نفسي .. هديتها طبعا وقولتلها ركزي ف الكلية وإن شاء الله الموضوع يتحل قالتلي لأ هو قال إنه مش عايزني وغلط ف أهلي وعايزنا نرجعله حاجته
قولتلها اللي فيه يقدمه ربنا
جيت بعدها بكام يوم بكلمها اطمن عليها مردتش عليا وعرفت بعد كده إنها رجعتله وهي اللي اتحايلت عليه عشان يرجعو
برضه عدت فترة وجاية من كام يوم تلوم عليا إني مبسألش عليها وبتحكيلي إنهم خلاص هيسيبو بعض وهو برضه اللي غلطان ف حقها ومامته مبهدلاها هي واهلها وغلطت فيهم جامد
دلوقتي هي كل شوية تكلمني وأنا والله برد عليها عادي بس مش عارفة أرجع معاها زي الأول
بقول يعني هي مبتفتكرنيش غير ف المصايب!!
مع العلم إن أنا كمان مخطوبة وقبلها كمان وخطيبي بيحبني جدا وأنا بحبه جدا جدا وبنحترم بعض يعني مش هنقول مثلا خايفة احسدها ولا حاجة
قولولي أنا ليا حق ولا أنا مكبرة الموضوع ؟

منيرة

0 comments:

إرسال تعليق

حمل التطبيق

حمل تطبيق احكيلي

Facebook

 
Created By SoraTemplates | Distributed By Blogger Template