تنويه: كل الاسماء الواردة تحت القصص هي أسماء وهمية بغرض حماية الحياة الشخصية لأصحاب القصص الحقيقية

اذا حابب تنشر قصتك من فضلك راسلنا من هــنــا winkونضمن لكم سرية الخصوصية الشخصية

ads

Home » » أسبها أو استحمل نكدها

أسبها أو استحمل نكدها



هحكي قصتي ومعلش لو طويلة شوية ولكني مضطرب نفسيا بسببها واعطي تقييمك للموقف والحكاية كلها .. ولكن معلش التمسوا العذر ليها وليا لاني خايف اظلمها في كتابتي او تفهموها غلط
في 2015 كنت في 1جامعه اتعاملت مع واحده ف القسم بتاعي وسالت قريبتي الي ف نفس القسم معانا عنها وعن الي تعرفه عنها وقالت انها كويس *لان البنت دي من بلد تانيه جمبنا* اعجبت بيها بسرعه وقلت ليها ورفضت تماما والحيت عليها نجرب نكلم ..قالت واخرة الموضوع ده اي قلتلها هتقدم ليكي 
بعدها انا سافرت محافظه تانيه اشتغل ف الاجازة عشان احوش فلوس وكان طالع عيني هناك كنت بشتغل مايقارب ال15 ساعه او 16ساعه بمرتب 1500 ج باخد نصهم مصروف يومي ونصهم اخر الشهر كنت بصرف طول اليوم ده أكل فطار وغدا وعشا ب5ج بس التلاته سوا وكل ده عشان أحوش فلوس واخطبها ...وانا ف المحافظه التانيه كلمت مامتها وعرفتها وقلتلها لما ارجع هعرف بابايا واشوف هيقول اي ....بعدها لما رجعت قولت لبابايا وافق ولكن انا هتحمل كل قرش هيتصرف وقلت مش مشكلة هتصرف واشتغل ...هي جات تقول لباباها رفض من غير مايشوفني حتى ورفض انه يرد حتى في التلفون ... عرفت انهم راحوا مصيف وكدة ف رحت ليه اقابله هناك يبقى بعيد عن البيت وفي نفس الوقت اعرف اتكلم معاه ف الاخر رفض يقابلني وروحت بيتنا تاني من غير ما اقابله ....بعدها بسنه وكدة يبقى بقالنا سنتين سوا فيهم الحلو والوحش وبحاول اخليها تطبع بطبعي والعكس بحيث نكون متفاهمين ...ف وقت ما اتخانقنا خناقه كبيرة قعدنا شهر ونص منتكلمش بعد محاولات كتير اني اتواصل معاها اراضيها رغم اني مش سبب المشكلة ولكنها رفضت وكلمت مامتها والبنت رافضه برضو تكلمني كبرت دماغي وبعدت بوجعي وفضلت اعاني مع نفسي واول ما بدأت انساها جات نتيجتنا ف الكلية آخر السنه ظهرت وجبتهالها وبعتها ليها لاني عارف انها مش هتعرف تجيبها وفي نفس الوقت انا الي كنت بشرحلها السنتين دول كل حاجة ....بعد ما عرفت بنجاحها بدأت تجر ناعم وانا رافض تماما ارجع تاني للوجع ده .... بعدها بمفيش شهر لقيتها بتقولي بابا وافق رغم اني مكنتش بكلمها وبصدها في الكلام بس رجعت فكرت قولت خير انا وعدتها اني اتقدملها ف هروح و نتكيف سوا تاني ولكني كنت خسرت جزء كبير جدا من حبي ليها ...رحت خطبتها وبقالنا سنه هو وكدة احنا سوا من 3 سنين ولكن مشاكل كتير جدا من ضمنها اني مبحبهاش تخرج كتير لان طريق بلدهم وحش وف نفس الوقت انا اتعودت واتربيت ان الست ملكة في بيتها بتخرج ولكن للضرورة واوقات ترفه عن نفسها وبس وترجع تاني ....دلوقتي كل يوم عايزة تخرج رغم ان مش ده الي عودتها عليه ...بس بقيت اخرجها مره ومره لا والمرة الي متخرجش فيها تنكد جامد رغم انها مثلا تكون خارجه امبارح وتعوز تخرج انهارده ولو مخرجتش تنكد ودلوقتي عايزاني معاها 24 ساعه نتكلم يانحب ف بعض رغم انها عارفه اني بخرج من بيتنا للشغل 10 الصبح وارجع 11 بالليل اكيد هاكل وشوية وانام ...لا لازم تقعد للصبح تكلم ياما انت مبقتش تحبني زي الاول وتنكد وطول اليوم وانا ف الشغل عايزاني اتصل ...وبسبب شغلي معرفتش اشرحلها وكنت بقولها روحي كورس وهدفعه انا بس روحي تقول لا عايزاك انت السنه التالته دي سقطت وجات تقولي انت السبب انت الي ضيعتني وسقطني وضحكت عليا وبتكذب وتقول مبذاكرش وانت بتذاكر *للعلم ناجح بامادتين بالعافيه * وفي الفترة الحالية نكد كل دقيقه تقريبا وخايف اسيبها اكون ظلمتها هي طيبه وجدعه وليها مواقف كتير حلوة بس حاليا الوحش بقى أكتر ونكد كتير جدا 
قولوا طريقه اكسبها بيها 
برجاء بلاش تجريح وعدم توجيه اي هانه ليها او ليا انا منزل مشكله عايز حل مش عشان تتشتم
وللعلم بثق فيها جدا

فرج

0 comments:

إرسال تعليق

حمل التطبيق

حمل تطبيق احكيلي

Facebook

 
Created By SoraTemplates | Distributed By Blogger Template