تنويه: كل الاسماء الواردة تحت القصص هي أسماء وهمية بغرض حماية الحياة الشخصية لأصحاب القصص الحقيقية

اذا حابب تنشر قصتك من فضلك راسلنا من هــنــا winkونضمن لكم سرية الخصوصية الشخصية

ads

Home » » انا مخنوقة أوي

انا مخنوقة أوي




مشكلتي طويلة يا جماعة ارجوكم ريحوني بحل وهحكي من الاول انا بنت بابا وماما اتطلقوا وانا عندي سنة وبعدين مامتي سافرت تشتغل وسابتني لجدتي عشان تصرف عليا لان ابويا مصرفش عليا مليم من يوم ماتولدت بعد كده وانا اكبر شوية في تالتة ابتدائي بابا اتجوز وبعده بسنة ماما اتجوزت وكل واحد خلف ومستقرين لحد النهاردة بس ماما سافرت مع عيلتها الجديدة لبلد بعيدة و من يوم مادخلت ثانوي وانا جدتي بتقسى عليا جدا وتذلني انها مقعداني معاها في البيت ومستحملاني وكمان خالاتي زيها ويقعدوا يطحنوني نفسيا ويهددوني بالطرد وانهم هيبعتوني اعيش مع ابويا مع العلم باني متفوقة دراسيا وفي كلية مرموقة اجتماعيا وبيتفننوا يخلقوا المشاكل ويتلككولي ويشتكوا لأمي(اللي متعرفش عني اي حاجك) ويقولوا فيا اللي محدش يستحمله وكلام يدفع للانتحار ليل نهار وابويا مبيسألش فيا وجدتي بتقعد تقولي اني احمد ربنا اني لاقية بيت يلمني وسيبيي امك واخواتها يعيشوا في حالهم ومتعمليش مشاكل لدرجة انهم كانوا بيجبروني مردش على اخواتي الصغيرين عني بسنيييين لما يغلطوا فيا عشان جوز امي يبقى راضي وخلاص بقيت احس ان محدش حنين عليا انا مبتحضنش بقالي سنين اساسا ولا بسمع كلمة حلوة وبسمع كلام يسم البدن وبيخليني اتمنى الموت اصل انتم متتخيلوش بقوا بيقولوا كلام كأني عبء ربنا رماه عليهم وكلهم مع بعض ضدي كأني مش منهم وجدتي بتقولي ملكيش دعوة بولادي وتدعي عليا حد يقولي استحمل الحياة ازاي وهل ربنا ممكن يعوضني ازاي عن كل ده ؟ هل فعلا ممكن ربنا يعوضني ولا دي اوهام ومفيش الكلام ده ارجو الرد الكويس ورأيكم في الموضوع وياريت اسئلتي تردوا عليها مع العلم ان محدش يعرف عني كده وببان قوية جدا بس طبعا مستحيل افضل في حرب طول حياتي بالطريقة دي ومن غير اي ذنب انا 
عايزة شوية حنان بس والله

نهى

2 comments:

  1. نصيحتي استحملي اللي باقي من دراستك أو دوري علي شغل لو تقدري مع دراستك لحد ماتعتمدي على نفسك وتستقلي بحياتك وبإذن الله ربناهيعوضك خير

    ردحذف
  2. وجعتي قلبي اوووي والله ومش عارفة اقولك ايه غير اني اطبطب عليكي وادعيلك .. ربنا ياحببتي عدل واحن عليكي من كل الخلق دي .. ارمي حمولك ع ربنا وثقي وخلي جواكي يقين انه هيعوضك خير عن اللي شوفتيه .. ويرزقك بزوج صالح وحنين عليكي .. ويريح بالك وقلبك ويجبر بخاطرك .. خليكي قوية وانسي كلامهم ❤

    ردحذف

حمل التطبيق

حمل تطبيق احكيلي

Facebook

 
Created By SoraTemplates | Distributed By Blogger Template