تنويه: كل الاسماء الواردة تحت القصص هي أسماء وهمية بغرض حماية الحياة الشخصية لأصحاب القصص الحقيقية

اذا حابب تنشر قصتك من فضلك راسلنا من هــنــا winkونضمن لكم سرية الخصوصية الشخصية

ads

Home » » خلاص ..مبقتش اتحمل تصرفات جوزي

خلاص ..مبقتش اتحمل تصرفات جوزي




أنا متزوجة من 9 سنوات ومعايا طفلين جواز صالونات هو قريبي من بعيد وأنا كنت اختيار أهله من أول جوازنا أو حتى خطوبتنا وهو بيحب يكبر دماغه من أي حوار يعني مبيناقشش ف أي مشكله وأوصل معاه لحل يقعد يقولي مبحبش الحوارات كل واحد عارف ايه يريحه وايه يتعبه واللي يسعد بيسعد نفسه الحمد لله حياتنا مفيهاش مشاكل كبيره يتوقف عندها بس المشكله بقت فيا أنا معنتش قادره اتحمل ان أنا دايما اللي باجي ع نفسي يعني هو من أول متجوزنا واكتشفت أنه بيعمل شات ع النت مع بنات وكنت بقرا الشات كان تعارف ومره غزل ومع حد مش معروف من أي برنامج شات بس كنت كل مره بزعل واخد جنب منه ويقلبها حوار ويقول ليه تدوري ورايا ودي خصوصيه
وبعدها بفتره اكتشفت أنه بيشرب حشيش واتخانقت معاه خناقه كبيره ورجع قال والله هبطل وبطل وعدت والحياه بقى شويه كده وشويه كده وكل مره باجي ع نفسي وأقول عشان الدنيا تمشي ومش عاوزه اهد حياتي وعشان ولادي ومن فتره سالته لسه بتعمل شات اقسملي وقالي لا وصدقته لأنه عارف ربنا ودخلت عليه بعدها باسبوعين لقيته فاتح صفحة شات قفل الموبايل بسرعه اخدته وصممت يفتحه عمل حوار وزعيق وأنا قرفت من أسلوبك وعيشتك وخلاص لو عاوزه تطلقي باقي ليكي طلقه واحده ..مع العلم أنه ف خناقات قبل كده مره رمى عليا اليمين ومره ثانيه قالي عليا الطلاق المهم انا قلتله بتعمل الفيلم ده كله عشان تهرب م المواجهه وكلام كتير بقى وأنا دلوقتي عاوزه اطلق فعلا واخد عيالي اربيهم ويكونو هما هدفي ف الحياه أنا عارفه انى هتعب لوحدي خصوصا أنهم ولدين بس تعبت من كدبه وقله تقديرة ليا كل مره عشان يطلع من غلطته يرمي الكوره ف ملعبي ويقلبها عليا انا نفسيا دلوقتي يعتبر متدمرة وطول مانا كده هأثر ع ولادي بالسلب حاسه انى لازم اعرفه قيمتي والله من غير مبالغه أنا معاه بما يرضي الله زوجه بمعنى الكلمه بس مش شايفه منه الموده والاحتواء مش حساه سند ولما بقوله كده يقولي أنا معنديش حاجه اديهالك لو عاوزه تسعدي نفسك اسعديني وبالتالي هتكوني سعيده يعني هو يعيش حياته بأي شكل يعجبه وأنا ميهمش ازعل افرح كله بأيدي زي مبيقول. أنا عاوزه اخد قرار صح ومش عارفه ايه الصح بس اللي عرفاه أنه عمره مهيتغير ولو استمريت معاه هيكون زي ماحنا كده كله على حساب أعصابي ولازم اجي ع نفسي عشان الحياه تمشي وأنا تعبت ...

سيرين

0 comments:

إرسال تعليق

حمل التطبيق

حمل تطبيق احكيلي

Facebook

 
Created By SoraTemplates | Distributed By Blogger Template