تنويه: كل الاسماء الواردة تحت القصص هي أسماء وهمية بغرض حماية الحياة الشخصية لأصحاب القصص الحقيقية

اذا حابب تنشر قصتك من فضلك راسلنا من هــنــا winkونضمن لكم سرية الخصوصية الشخصية

ads

Home » » اجتماعي للغاية لكني حزين

اجتماعي للغاية لكني حزين



انا  شاب 23 سنه ...  عمرى ما دخنت اى نوع سجاير او شيشه او خدت اى نوع مخدر .. مشكلتى البنات وانى لحد بعد اولى كليه اتربيت ع اللى عاوزه بلاقيه وده اختلف لما قررت اعتمد ع نفسى .. حوليا كم بنات رهيب وكم صحاب ولاد رهيب ومش هنكر ان انا السبب الاساسى ف انى وصلت نفسى لكده ف موضوع البنات  وطبعا وجود كم كبير من البنات بيفتح الباب لحجات كتيير غلط  بس انا بقالى سنتين بمنع نفسى من اى غلط حرفيا مع العلم انى معرفتش  بنت مش محترمه ف حياتى كلهم ولاد ناس جدا ومحترمين جدا  واى حد والله يتمناهم وانا شخصيا كنت بنصحهم بالزواج ف كل فرصه تتاح ليهم او اى عريس كويس يجيلهم مع العلم ان كتر علاقاتى وصداقاتى ده اكسبنى خبره فظيعه ممكن اتكلم كلمتين اعرف شخصيه اللى قدامى وده خلى عندى حاله ملل رهيبه  مش عاوز اجرب ولا عندى الباور بتاع زمان انى احاول ابهر حد مثلا  وفى صحابى شباب  اكبر منى كانو بيطلبو منى نصايح ف علاقتهم وارتباطاتهم عموما  ..عمرى  ما كدبت ولا ضحكت ع بنت وكنت ببقى واضح جدا من الاول يعنى زمان عمرى ما وعدت بنت ب جواز مثلا .. يعنى صحاب نهزر نضحك نلعب وحتى لو وصلت لتجاوزات ف الكلام او ف التصرفات بينا  ف احنا صحاب برضو  مع العلم انى بخاف ربنا جدا وضميرى مش بيبطل زن ..عندى فوبيا رهيبه من ان اكتر انسان هحبه ممكن يبعد وبخاف اعلق قلبى ب اى بنت نهائيا بحس ان كون ربنا مدينى كم هائل من ناس كويسه ف ده عقاب وهحس بالندم مهما كان اختيارى  ..عمرى ما اتسبت كنت علطول بسيب واغير ف علاقاتى  وده بكل صدق لانى جوايا خواف م الحب بمعنى انى لو حسيت انى هحب ببعد تماما  وده السبب ف انى اعرف كتير عشان مديش نفسى فرصه احتاج لحد.. وده وقف من سنتين حاليا فى صحبات  بس اقل  جداا .. ومقصر جدااا ف الصلااه .. عندى احلام وحجات كتير عاوز احققها والسنه دى سنه سنه البكالوريوس المشروع حققت حجات كتير لحد دلوقتى  بس محتاج اكمل واتعب اكتر لان اهدافى اكبر وده مش هعرف اوصله وانا مقصر ف حق ربنا كده مع العلم ان والله ربنا  كريم جدا معايا ويمكن لانه عارف جوايا   ..
عاوز نصايح عشان انضف حياتى اكتر واكتر ..عاوز نصايح التزم ف الصلاه .. واعالج نقطه الخوف من الحب دى .. مع العلم انى الحمد لله  عندى القدره انى الاقى حل لاى مشاكل تواجه اى حد  بمعنى انى ناصح جيد ..حتى مشاكلى الخاصه بحلها بسهوله ... الا اللى انا اتكلمت عنه ده  انا عمرى ما عرفت اعالجه قدرت بس اقلله ..
انا فاهم ان اللى بعمله غلط ف اللى يكومنت  يخش ينصحنى احل ده ازاى.. ولو حبكت اووى خلوها نقد بناااء
 شكرا
💖
وسيم

1 comments:

  1. ومن يتق الله يجعل له مخرجا
    ويرزقه من حيث لا يحتسب

    ردحذف

حمل التطبيق

حمل تطبيق احكيلي

Facebook

 
Created By SoraTemplates | Distributed By Blogger Template