تنويه: كل الاسماء الواردة تحت القصص هي أسماء وهمية بغرض حماية الحياة الشخصية لأصحاب القصص الحقيقية

اذا حابب تنشر قصتك من فضلك راسلنا من هــنــا winkونضمن لكم سرية الخصوصية الشخصية

ads

Home » » انا جدي لدرجة نسيت فيها قلبي

انا جدي لدرجة نسيت فيها قلبي



انا شاب عندى 25 سنة  والدى اتوفى وانا عندى 17 سنة وانا من ساعتها بقيت مسؤل البيت  لانى للأسف ووالدتى كانت مجرد ست بيت وتعليمها وخبراتها متواضعين ,صحيح مشلتش الهم او اشتغلت لانى الحمدلله كان عندنا دخل كفاية بس لعب دور الاب اثر عليا وخلى طباعى تتغير 180 درجة ,اخواتى كلهم كانو فى مراحل فارقة فى عمرهم كان    اكبر واحد 14  سنة وده فرق مش كبير لكن كان سنى ودروى فارض عليا المسؤلية   كنت مضطر اكمل دور المسؤل والقدوة  واقدم تنازلت عشان اقدر اكمل الدور ده للاخر ,حتى لما دخلت الكلية  ماعشتش مرحلتى زى باقية صحابى كنت دايما محدود جدا فى علاقاتى  معاهم ,للاسف الشخصية  دى فضلت معايا  طول الوقت ,بالرغم انى ناس كتير بتنبهر بشخصيتى وقوتها والجدية اللى انا فيها ,و ده فادنى جدا كمهندس واكتشفت مع الوقت انى الظروف دى هيا خلتنى متميز ومحل احترام كل شغل روحته , والحمدلله اخواتى اجتازو المراحل الصعبة واحد فيهم فى رابعة طب والتانى جاتلة منحة دراسية فى كندا وحاسس انه عبئ اتشال من عليا ,ـبس انا فعلا من جوايا مش حاسس انى سعيد فى شخصيتى دى ,انا لحد دلوقتى عمرى ماعملت علاقة مع اى بنت حتى لو على الفيس ,عمرى ماسمعت من اى حد كلام رومانسى او اتعاملت مع حد رقيق.عمرى ماخرجت واتفسحت مع واحدة او مسكت ايديها او سمعت كلمة حلوة قبل مابنام  ,وللاسف كنت فى قسم مفيهوش ولا اى بنت والشغل بتاعى مفيش فيه مصطلح انثى فى اى نطاق ,لحاجة الوحيدة اللى نجحت فيها انى اكون صديق العمر فى السنتين اللى حاولت اتغير فيهم(وللاسف هو شبهى فى كل حاجة وماضفناش لبعض اى تغير ) بس لسه فعلا فاشل انى اكون علاقة مع اى بنت ,انا فعلا مش عارف اندمج او اقرب من الجنس الاخر ,فعلا بحس انى مش قادر افهمهم كويس ,ساعات كتير بحس انهم بيخافو من طباعى واسلوبى,او مش مرتاحين فى التعامل معايا ,ساعات كتير بحس انهم قادرين يحترمونى جدا بس مش هيحبونى او يألفونى,للاسف انا مش قادر استوعب انى كبرت بسرعة كده وبقى بينى وبين العلاقات العاطفية حواجز مش عارف اتخطاها ,للاسف كل البنات اللى بتحاول تجر معايا ناعم من دايرة القرايب والمعارف  ببقى من جوايا عارف انهم شايفين فيا العريس اللقطة  مش اكتر لكن عمرى ماحسيت انى فى حد منجذب ليا او معجب بيا لشخصيتى ,للاسف  انا فى حد جوايا عايز يعيش الرومانسيسة  ,عايز حد يفهمنى من جوايا الشخص وعايز يبقى جنبه طول عمره  ,وللاسف اللى تعبنى جدا وعملى شبه عقدة كان فى بنت من  الجيران  كنت معجب بيها جدا وكنت شايفها الحد المثالى ولما قررت اقرب منها اكتشفت اصلا انها فى علاقة مع اخويا الاصغر منى وبيتكلمو ويخرجو كالعادة  وبالرغم من انى عارف اخويا اد ايه هو متقلب المزاج ومجرد تجربة مش هتلكفه يومين نسيان ويعيش  غيرها لكنى انسحبت فى صمت ,وللاسف مابقاش عندى ثقة فى اى بنت من اللى بشوفه وبسمعه  وماعنديش الخبرات اللى تخلينى اميز بيها اى حد, عن التانى للاسف انا  حاسس بالرغم من بساطة مشكلتى بالنسبة لجيل منفتح زى كده  لكن هيا فعلا ازمة فى حياتى مفيش اسوء من الانسان يبقى محروم من مشاعر محتاج ليها  ,او يكمل فى شخصية مش سعيد بيها ....

نبيل

0 comments:

إرسال تعليق

حمل التطبيق

حمل تطبيق احكيلي

Facebook

 
Created By SoraTemplates | Distributed By Blogger Template