تنويه: كل الاسماء الواردة تحت القصص هي أسماء وهمية بغرض حماية الحياة الشخصية لأصحاب القصص الحقيقية

اذا حابب تنشر قصتك من فضلك راسلنا من هــنــا winkونضمن لكم سرية الخصوصية الشخصية

ads

Home » » مشكلتي غريبة

مشكلتي غريبة




مشكلتي غريبة شوية وحاسس ان مفيش حد زيي ... انا شاب عندي 21 سنة عندي كل حاجة تتخيلوها ولله الحمد .رضا ربنا . رضا الوالدين . شقة وعربية  وكل حاجة لتتخيلوها ولا تتخيلوها لكن زي مانتوا عارفين محدش بياخد كل حاجة  انا عندي مشكلة ان صوتي بيبقى هادي جدا مع اي حد غريب وببقى في كسوف كدة فالكلام وده مضايقني جدا بس مع اي حد واخد عليه ومع اهلي طبيعي جدا.. وسبب الهدوء ده اني من وانا صغير اول لما دخلت الحضانة كنت عاوز ارجع البيت بأي شكل فثولت ف نفسي مش هعترف بوجود المكان ده ولا الناس دي لحد ماروح .. فكان كل طفل يجي يتواصل معايا بصده او ارد ع قد الكلام لحد مابقيت منغلق على نفسي طول المراحل الدراسية لكن جيت ف الجامعة حبيت اتعرف واصاحب وكدة شباب عادي زيي لكن مبعرفش او لما اجي اعرف يبصلي بصة غريبة كدة تحسسني اني ناقص ويقولي انت هادي كدة ليه ويحرجني بالكلام .. انا كاره حياتي فعلا ياجماعة مش عارف اعمل ايه ولما حاولت اعرف ناس عندنا ف المنطقة فعلا اتصاحبنا بس للاسف اتصدمت فيهم طلع ان الطيب الجدع بياخد ع قفاه فا من ساعتها بطلت اتعرف ع حد ... المشكلة دي مخلياني عندي معدل ذكاء عالي وقابل للتعلم بشكل كبير ودي حاجة كويسة لكن معظم الناس ف المنطقة عندي ياشايفني مش طبيعي ومتخلف عقليا يا شايفني غلبان اوي ملوش ف حاجة والفئة الطيبة من الناس وهم قليلين شايفني ملاك ماشي عالارض وبيدعولي كل لما يشوفوني فانتوا رأيكوا اختلط بالمجتمع رغم الناس اللي فيه ولا اختلط بس بالناس اللي ارتاحلهم وشايفهم طيبين ؟ ومعلش طولت عليكوا ولخبطت الموضوع ببعضه بس بحاول اطلع اللي جوايا


مجدي

1 comments:

  1. عيش حياتك عادى ومتحولش تغير من نفسك بس حاول اختلط

    ردحذف

حمل التطبيق

حمل تطبيق احكيلي

Facebook

 
Created By SoraTemplates | Distributed By Blogger Template