تنويه: كل الاسماء الواردة تحت القصص هي أسماء وهمية بغرض حماية الحياة الشخصية لأصحاب القصص الحقيقية

اذا حابب تنشر قصتك من فضلك راسلنا من هــنــا winkونضمن لكم سرية الخصوصية الشخصية

ads

Home » » مافيش بنت بلا ماضي

مافيش بنت بلا ماضي



انا عاوز احكيلكم على اكبر مشكلة فى حياتى وهيا انى اصبح عندى شك فى كل بنت بطريقة رهيبة بحيث كل ما اروح شغلى او اروح اى مكان الاقى بنات قاعدة معا شباب بطريقة مريبة فى محطات المترو وفى الحدائق والجناين وفى الاماكن المطرفة البعيدة بشوفهم فى كل حتة للدرجة انى بشوفهم فى طريقى وانا رايح وانا جاى ودة مش مقصود عشان محدش يقولى انى بروح الاماكن دى والله انا بكون رايح مشوار او رايح شغلى اشوف المناظر المستفزة دى واحس بغيرة شديدة جدا انى بشوف الظاهرة دى فى تزايد مستمر حتى لما اشوف الستات فى محلات ازياء حريمى تفصل ملابسها عند راجل غريب وتتكلم معاه وتهزر معاه بحس انى مخنوق ومضايق حاسس انى كرهت البنات كلها بحس ان مفيش بنت ملهاش ماضى اصبحت شكاك بطريقة رهيبة معا ان اقسم بالله انا عمرى ما عرفت بنات ولا خرجت معا بنات وهذة شهادة امام الله عشان انا شايف انها عيب وحرام وانى مرضهاش على زوجتى فى المستقبل معا انى انا اتعرضت للفتن كتيرة جدا وحكايات لا داعى للذكرها بس كان عندى المبداء واضح وهو انه عيب وحرام وعارف الردود محتلمة ممكن تقولى ان الطيبون للطيبات ولكن انا بقى عندى شك هيموتنى فى كل بنت انا بجد تعبت وحاسس ان دماغى هتنفجر ساعات بشوف بنت مسلمة تروح للترزى حريمى  تتكلم معاه وترغى بالساعات ويتقفل عليهم باب المحل احس انى هموت من الغيظ والغيرة واحس ان دمى بيتحرق وعاوز اضربها ضرب مخبرين احس ان مفيش رجالة خلاص واحس ان معظم الرجالة بقى عندهم محن وبتتدلل للبنات وللاسف البنات بتخيل عليها الكلام دة حاسس انى غريب عن الدنيا دى ومفيش حاجة عاجبانى احس انى جيت للدنيا غلط طبعا حاولت اتماشى واتعامل معا الناس اللى كانت بتدعى التدين اكتشفت الاسوء وهو النفاق والرياء والكذب عاوز اسمع مقتراحاتكم لانى بجد تعبت حاسس انى بقيت بشوف عيوب الناس كلها المخفية من جواها واصبحت منعزل من كتر ما اتصدمت من افعال الناس كتيرة جدا كنت تظن انهم ناس محترمة ياريت اسمع اقتراحاتكم واسف على الاطالة‏

جلال

2 comments:

  1. اقسم بالله انا كمان بيستفزني المنظر دا اوي خصوصا ف الجامعة مع اني زيك والله العظيم عمري ما خرجت مع حد ولا كلمت حد ولاهزرت مع بياع ولا كدا خالص بس بحس بخنقة وضيق وربنا يستر

    ردحذف
  2. وهي كل وحدة قالت مرحبا لزميل او صديق يبقى ليها ماضي؟

    ردحذف

حمل التطبيق

حمل تطبيق احكيلي

Facebook

 
Created By SoraTemplates | Distributed By Blogger Template